काठमाडौँ महानगरपालिकाले यही जेठ १४ गतेभित्र काठमाडौँ उपत्यकामा सञ्चालित सबै सामुदायिक तथा संस्थागत विद्यालयलाई सूचना अधिकारी तोक्न आग्रह निर्देशन दिएको छ ।
महानगरपालिकाको सञ्चार तथा सूचना ऐन, २०८० बमोजिम कामपाले यही जेठ १४ गतेभित्र सूचना अधिकारी तोकेर महानगरपालिकालाई जानकारी गराउन निर्देशन पनि दिएको छ । महानगरपालिकाको शिक्षा विभागप्रमुख गोविन्दप्रसाद शर्माका अनुसार कामपाले यसअघि पनि शैक्षिक सङ्घसंस्थालाई सूचना अधिकारी तोकेर विभागमा पठाउन आग्रह गरेको तर कामपाको आग्रहअनुसार केही विद्यालयले मात्र सूचना अधिकारी तोकेको जानकारी प्राप्त भएकाले पुनः निर्देशन दिइएको हो ।
सूचना अधिकारी तोक्दा संस्थाको दोस्रो जिम्मेवारीमा रहेको व्यक्ति हुनुपर्नेछ । हाल महानगरपालिकामा ८७ सामुदायिक विद्यालय सञ्चालनमा छन भने छ सय संस्थागत विद्यालय छन् । यसअघि महानगरपालिका क्षेत्रमा सञ्चालित सहकारीहरूले सूचना अधिकारीको व्यवस्था गरी सहकारी विभागमा जानकारी गराएका छन् । केहि दिन अगाडी सूचना अभियन्ता दीपक आचार्यको अनुरोधलाई स्वीकार गर्दै महानगरले सामुदायिक बिद्यालयका सूचना अधिकाररिहरुलाई तालिम प्रदान गरेको थियो सो कार्यक्रममा सूचना आयुक्त कमला ओली पुगेर सहजीकरण गर्नुभएको थियो सूचनाको हकलाई अब आम नागरिक तह सम्म पुर्याउने सोच अनुरुप आयोग र अभियन्ताहरुको सहकार्यमा तालिमलाई ब्यापक बनाउने सोचमा महानगर रहेको छ
केहि समय अगाडी महानगरले सहकारिहरुमा सहायक सूचना अधिकारि को ब्यबस्था गर्न समेत पत्राचार गरेको थियो
