सिरहा जिल्लाको बजारपट्टि गाउँपालिका ३ स्थित छोटी भन्सार ईलाकाबाट असार १४ गते सशस्त्र प्रहरीले ७ लाख ७ हजार ५ सय ७० नेपाली रुपैयाँसहित चार जनालाई पक्राउ गरेको छ ।
पक्राउ पर्नेहरुमा सोही जिल्लाको मिर्चैया नगरपालिका १ बस्ने २५ वर्षीय दयानाथ कापत, ४८ वर्षीय जगनाथ साह, ३३ वर्षीय उमेश साह र ३१ वर्षीय रविन साह छन् ।
से ८ प १३६९ र स ३ प २४७८ नम्बरको मोटरसाईलमा सवार उनीहरुलाई सशस्त्र प्रहरी बल नेपाल बिओपी बरियारपट्टिबाट खटिएको सशस्त्र प्रहरीले शंका लागि जाँच गर्दा उनीहरुको साथमा फेला परेको उल्लेखित रुपैयाँको श्रोत नखुलेपछि दुवै मोटरसाईकल सहित पक्राउ गरिएको जानकारी दिएकाे छ ।
पक्राउ परेकाहरुलाई बरामद रुपैयाँ तथा मोटरसाईकल सहित आवश्यक कारवाहीको लागि भन्सार कार्यालय मार्डरमा बुझाईएको सशस्त्र प्रहरीले जानकारी दिएकाे छ ।
