पाल्पामा ५ वर्षीया बालिकामाथि यौन दुराचार गरेको आरोपमा ६२ वर्षीय वृद्धलाई प्रहरीले पक्राउ गरेको छ । रैनादेबी छहरा गाउँपालिका ६ बस्ने ६२ वर्षीय सोमान सिंह बलाललाई प्रहरीले बाल यौन दुराचारको अभियोगमा पक्राउ गरेको हो ।
उनले स्थानीय ५ वर्षिया बालिकालाई घरमा कोही नभएको अवस्थामा यौन दुराचार गरेको उजुरीका आधारमा पक्राउ गरिएको जिल्ला प्रहरी कार्यालय पाल्पाले जनाएको छ । बालिकाका आफन्तले बल्डाङगढ प्रहरी चौकीमा किटानी उजुरी दिएको आधारमा पक्राउ गरी थप अनुसन्धान सुरु गरेको जिल्ला प्रहरीले कार्यालय पाल्पाका प्रवक्ता डिएसपी वीरेन्द्र थापाले बताए ।
