धादिङमा सात जना जुवाडे रंगेहात समातिएका छन् । निलकण्ठ नगरपालिका वडा नं. ३ बसपार्कका डङकबहादुर ढकालको घरमा जुवा खेलिरहेको अवस्थामा उनीसहित सात जनालाई प्रहरीले पक्राउ गरेको हो ।
विशेष सुराकीको आधारमा जिल्ला प्रहरी कार्यालय धादिङबाट खटिएको प्रहरी टोलीले गए राति उनीहरुलाई पक्रेको बताइएको छ ।
प्रहरीले उनीहरुको साथबाट ५८ हजार ६ सय ७० रुपैयाँ नगद र ३ तासबुक बरामद गरेको छ । पक्राउ परेकामाथि थप आवश्यक अनुसन्धान भइरहेको छ ।
