सुदूरपश्चिम प्रदेश सरकारका मुख्यमन्त्री कमलबहादुर शाहको तलब–सुविधामा कार्यकालको ७ महिनामा २७ लाखभन्दा बढी सरकारी बजेट खर्च भएको छ ।
२०७९ माघ २६ गते मुख्यमन्त्री नियुक्त भएका शाहको सेवासुविधामा भदौ ३० गतेसम्म २७ लाख ३९ हजार १०२ रुपैयाँ खर्च भएको छ ।
राम्रोन्युज डट्कमका प्रधान सम्पादक केशवबहादुर बोहराले सूचनाको हक प्रयोग गरी प्राप्त गरेको खर्च विवरणअनुसार मुख्यमन्त्री शाहको तलब, स्वकीय सचिव, कार्यालय सहयोगी, भान्से, सवारीचालकमा लाखौं रकम खर्च भएको पाइएको छ ।
मुख्यमन्त्री शाहले ७ महिनामा इन्धनमा ६ लाख ५५ हजार ८१८ रुपैयाँ खर्च गरेका छन् । पारिश्रमिकमा २० लाख ८३ हजार २८४ रुपैयाँ खर्च भएको छ ।
खर्च विवरण तालिकामा हेर्नुहोस् –
प्रदेश सरकारको लाखौं रुपैयाँ खर्च गरेर मुख्यमन्त्री शाहले के–के काम गरे त ? मुख्यमन्त्री तथा मन्त्रिपरिषद् कार्यालयका सूचना अधिकारी जगदीश जोशीले उपलब्ध गराएको सूचनामा स्पष्ट कार्यविवरण उल्लेख गरिएको छैन ।
यस्तो छ मुख्यमन्त्री कार्यालयले उपलब्ध गराएको सूचना –
सूचना मागकर्ता निवेदक बोहराले मुख्यमन्त्रीले गरेको कार्यसम्पादन स्पष्ट खुल्ने गरी विवरण मागेका थिए ।
सूचना मागको ढाँचा यस्तो थियो –
सूचनामा कार्यसम्पादनको स्पष्ट विवरण मागिए पनि मुख्यमन्त्री कार्यालयले उपलब्ध गराउन सकेन ।
सुदूरपश्चिमको टीकापुरबाट उदाएको नागरिक उन्मुक्ति पार्टी (नाउपा) स्थापना भएपछि पहिलोपटक गत साउन १७ गते सुदूरपश्चिम प्रदेश सरकारमा गयो । मुख्यमन्त्री कमलबहादुर शाहले भूमि व्यवस्था, कृषि तथा सहकारी मन्त्रीमा रामेश्वर चौधरी र राज्यमन्त्रीमा कैलाश चौधरीलाई नियुक्त गरेसँगै सुदूरपश्चिममा नागरिक उन्मुक्तिको सत्तायात्रा सुरु भयो ।
साउन १७ गते मन्त्री नियुक्त भएका कृषिमन्त्री रामेश्वर चौधरीको सेवासुविधामा प्रदेश सरकारले डेढ महिनामै ५ लाख रुपैयाँ खर्च गर्नुपरेको छ ।
राम्रोन्युज डट्कमका प्रधान सम्पादक केशवबहादुर बोहराले सूचनाको हक प्रयोग गरी प्राप्त गरेको विवरणमा साउन महिनाको १४ दिन र भदौ महिनासम्मको खर्च हेर्दा ५ लाख ३ हजार ८१३ रुपैयाँ खर्च भएको पाइएको छ ।
भूमि व्यवस्था, कृषि तथा सहकारी मन्त्रालयका सूचना अधिकारी टिकेन्द्र कुश्मीले उपलब्ध गराएको सूचनाअनुसार मन्त्री चौधरीको तलबभत्ता, स्वकीय सचिव, निजी सचिवालयका कर्मचारीको तलबभत्तामा ५ लाख बढी रकम खर्च भएको छ ।
साउन महिनामा मन्त्री चौधरीले तलबभन्दा भत्ता बढी लिएको पाइएको छ । उनले साउन महिनाका १४ दिन बराबर २९ हजार ४०० रुपैयाँ तलब पाएकोमा दैनिक भ्रमण भत्ता ३४ हजार ५५० रुपैयाँ खाएका छन् ।
यस्तो छ खर्च सम्बन्धी विवरण –
मन्त्री चौधरी नियुक्त भएको डेढ महिनामा ५ लाख रकम खर्च भए पनि काम के–के भयो त ? सूचना माग्दा काम गरेको विवरण पनि माग गरिएको थियो । काम गरेको सम्बन्धी सूचनामा यस्तो विवरण प्राप्त भएको छ –
यो समाचार राम्रो न्युज डटकम ले प्रकाशन गरेको थियो हामीले त्यहा बाट लिएका हौँ
