नेकपा माओवादी केन्द्रनिकट पत्रकारहरूको संस्था, प्रेस सेन्टर नेपालमा पदाधिकारी चयन भएका छन्।
सेन्टरको शनिबार सकिएको दोस्रो पूर्ण बैठकले पदाधिकारी चयन गरेको हो।
सेन्टर अध्यक्षमा यसअघि नै विष्णु सापकोटा जुगल चयन भएका थिए तर पदाधिकारी चयनमा ढिलाइ भएको थियो।
वरिष्ठ उपाध्यक्षमा कमल गिरी चयन भएका छन् भने उपाध्यक्ष २० जना चयन भए।
साथै महासचिवमा सन्तोष पौडेल चयन हुँदा १० जना उपमहासचिव भए। यस्तै २७ जना सचिव पदमा चयन भएका छन्।
कोषाध्यक्षमा डिल्ली महत र सहकोषाध्यक्षमा बुद्ध लोप्चन चयन भएको प्रेस सेन्टरले जनाएको छ। प्रेस सेन्टरको दोस्रो पूर्ण बैठक नेकपा माओवादी केन्द्रका अध्यक्ष पुष्कमल दाहाल प्रचण्डले उद्घाटन गरेका थिए।
उनले सहमतिमै पदाधिकारी चुन्न पनि आग्रह गरेका थिए।
