भारतसँग जोडिएको सीमा क्षेत्रमा पुगेर विदेशी मुद्रा साट्न थालिएको छ । आज बिहान महोत्तरीको सीमा क्षेत्रबाट त्यसरी भारु साट्न खोज्नेहरुलाई प्रहरीले पक्रेको छ । प्रहरीले ठूलो परिमाणको भारुसमेत नियन्त्रणमा लिएको बताइएको छ ।
जिल्ला प्रहरी कार्यालय महोत्तरीका अनुुसार जलेश्वर क्षेत्रबाट नौ जनालाई नियन्त्रणमा लिइएको छ । उनीहरूको साथबाट १४ लाख ३७ हजार भारतीय रुपिया बरामद भएको छ । साथै ७५ हजार नेपाली रुपैयाँ पनि प्रहरीले ती नौ जनाको साथबाट फेला परेको जनाएको छ । पक्राउ परेकामध्ये आठ जना नेपाली र एक जना भारतीय हुन् ।
भारुलगायत अन्य विदेशी मुद्रा सटहीको निम्ति नेपाल राष्ट्र बैंकबाट अनुमति लिनुपर्ने हुन्छ । त्यस्तो अनुमति बैंक तथा वित्तीय संस्था र मनि चेञ्जर कम्पनीले मात्रै पाउँछन् ।
