महावीर पुनलाई अभिव्यक्ति सच्याउन राहत शिक्षकको चेतावनी

 राहत शिक्षकहरूले प्रतिनिधि सभा सदस्य महावीर पुनले राहत शिक्षकका बारेमा वैशाख ३० गते प्रतिनिधिसभामा दिएको अभिव्यक्ति तथ्यहीन, अशोभनीय र खेदजनक रहेको भन्दै सच्चाउन चेतावनी दिएका छन् । 

नेपाल राहत शिक्षक केन्द्रीय समितिका अध्यक्ष वीरेन्द्र मल्ल र महासचिव डम्बर राईले शुक्रबार विज्ञप्ति जारी गर्दै सांसद पुनलाई आफ्नो अभिव्यक्ति सच्याउन भनेका हुन् । 

‘२०८३ वैशाख ३० गते बसेको सङ्घीय प्रतिनिधिसभाको बैठकमा सम्मानित सदनलाई सम्बोधन गर्ने क्रममा मा.महावीर पुनले राहत शिक्षकको सन्दर्भमा दिनुभएको अभिव्यक्ति अत्यन्त तथ्यहीन, अशोभनीय र खेदजनक रहेको साथै त्यस अभिव्यक्तिले आम राहत शिक्षकको आत्मसम्मानमा गहिरो चोट पुगेको छ’, समितिले जारी गरेको विज्ञप्तिमा भनिएको छ ।

अन्यथा,अभिव्यक्तिको कारण पर्ने नकारात्मक प्रभावको जिम्मा सम्बन्धित पुनकै हुने चेतावनी समेत विज्ञप्तिमा उल्लेख छ । सांसद पुनले संसदमा बोल्ने क्रममा शिक्षामा सुधार गर्न राहत शिक्षकहरूले राम्रो नपढाउने भन्दै उनीहरूलाई कोटामा बदल्नुपर्ने बताएका थिए ।