सूचना दिवसको अवसरमा सर्लाहीमा सूचनाको हक सम्बन्धी अन्तरक्रिया

सूचना दिवस २०८२ को अवसरमा प्रमुख जिल्ला अधिकारी तुलसी बहादुर श्रेष्ठको सभापतित्वमा सूचनाको हक कार्यान्वयनको अवस्था विषयमा अन्तरक्रिया गरि राष्ट्रिय सूचना दिवस मनाएको छ । राष्ट्रिय सूचना दिवस २०८२ किन मनाउने यसको बारेमा सहायक प्रमुख जिल्ला अधिकारी शिवहरि पोखरेलले प्रकाश पार्नु भएका थिए ।

सूचनाको हक सम्बन्धी कानुन, अधिकार र व्यवस्थाका बारेमा हुलाक अधिकृत डुरदेव बरालले कार्यक्रममा उपस्थित सरोकारवाला कर्मचारी तथा पत्रकारहरुलाई जानकारी दिनुभयो । सूचनाको अधिकार कसतो अधिकार हो । नेपाली नागरिकहरुका लागि सूचनाको अधिकारलाई मौलिक अधिकारका रुपमा स्थापित गरिएका हुन् ।

राज्यका सबै निकायले सरल रुपमा नेपाली नागरिकलाई सूचना उपलब्ध गराउनु पर्ने कानुनी प्रावधान रहेको छ । सूचना उपलब्ध नगराउदा सर्वोच्च अदालत र उच्च अदालतले समेत आदेश गर्न सकने व्यवस्था रहेको हुलाक अधिकृत बरालले उपस्थित महानुभावहरुलाई जानकारी गराउनु भएको थियो ।

नागरिक समाजका अध्यक्ष उग्रकान्त झाले भने राज्यले सूचनाको हक सम्बन्धी कानुन बनाएर सहज रुपमा सूचना उपलब्ध गराउन भने पनि आम नागरिकलाई सरकारी कार्यालयहरुबाट सूचना पाउन कठिनाई भएको झाले गुनासो गर्नुभयो ।

नेपाल पत्रकार महासंघ सर्लाहीका अध्यक्ष ओमप्रकाश ठाकुरले भने सहज रुपमा आम जनतालाई सूचना उपलब्ध भईदिए सम्बन्धित कार्यालयको हकमा समेत राम्रो मैसेज प्रवाह हुने अध्यक्ष ठाकुरले बताए । सूचना सजिलै पाएपछि आम नागरिकको बिश्वास सम्बन्धित कार्यालय प्रति बढदै जाने भएकोले सूचना प्रवाह गर्न ढिलो गर्नु हुदैन अध्यक्ष ठाकुरको भनाई थियो ।

कार्यक्रममा सरकारी तथा गैर सरकारी कार्यालयहरुका सूचना अधिकारी, कर्मचारी तथा संचारकर्मीहरु सहभागि रहेका थिए ।